iphone6s уралдааны 3-р сарын дүн

Iphone6s уралдааны 3-р сарын дүн гарлаа. Уралдаан 3-р сарын 10-наас 3-р сарын 31-ны хооронд явагдав. Энэ сарын уралдааны хувьд зөвхөн тухайн өдөртөө амжиж оруулсан хариултуудыг тооцсон байгаа. Мөн аль нэг бодлого дээр буруу хариулт эхэлж оруулаад сүүлд нь зөв хариулт илгээсэн бол эхний хариултаар оноо тооцсон болно. Мөн уралдааны дүрэм ёсоор өмнө шалгарсан сурагчдыг оролцуулалгүйгээр сурагчдыг жагсаахад дараах сурагчид эхний 10 байрт шалгарч уралдааны эцсийн шатны шалгаруулалтанд оролцох эрхээ авлаа.

Нэрс 2-р сарын оноо
1 Э. Оргилмаа 349
2 Б. Наму 349
3 О. Нямсүрэн 343
4 Э. Дамбийням 339
5  Д. Саруул 333
6 Jaagii Berkhee 326
7  Г. Цэвээндолгор 322
8 Naagii Dashdorj 316
9 Ганаа Ариунзаяа 312
10 Б.Б. Насаа 311

Уралдааны өмнөх саруудын дүн:

Iphone6s уралдааны 2-р сарын дүн

Iphone6s уралдааны 1-р сарын дүн гарлаа

Уралдааны удирдамж:

Интеграл-Онлайн Уралдааны удирдамж

MONBUSHO шалгалтанд бэлтгэх сургалт

Интеграл сургалтын төв ШУТИС-ын Коосэн загварын Технологийн Дээд Сургууль хамтран Японы шалгалт өгөх хүмүүст зориулсан сургалт явуулна. Энэ шалгалтын талаар мэдэхийг хүсвэл эндээс харна уу.

Монбушо 2016 zar

Япон улсын Засгийн Газрын тэтгэлэтээр Япон улсад суралцуулах шалгалтанд /MONBUSHO/ бэлтгэгчидэд зориулсан МАТЕМАТИК, ФИЗИК, АНГЛИ ХЭЛ-ний сургалтын танилцуулга.

Интеграл төв нь 1999 оноос 2010 он хүртэл математик, англи хэл, физикийн сургалтыг тогтмол явуулж байсан ба 2011 оноос математик физикийн хичээлээр сургалт явуулж байсан. Манай сургалтын төвийн сургалтанд хамрагдан Япон улсад суралцсан баклавр, магистрын оюутан 130 гаран болоод байна. ШУТИС-ийн Коосэн загварын Технологийн Дээд сургууль нь Японы Боловсролын Яамны Коосэнгийн агентлагтай нягт хамтран ажилладаг бөгөөд монголд коосэн боловсролын тогтолцоог нэвтрүүлж, туршилт дадлагад суурилсан инженерийн боловсрол олгож байна Мэргэжлийн болон ерөнхий эрдмийн Япон багш нартай.

Манайд хичэээл заах багш нарын тухай:

Доктор Даянцолмон 2014 онд Япон улсад математикийн доктор хамгаалсан. MONBUSHO хөтөлбөрт хамрагдан суралцсан. 1999 оноос эхлэх энэ шалгалтанд сурагчид бэлдэж эхлэсэн.  Интеграл төвийг үүсгэн байгуулагч

Гавъат багш Бавуудорж, Шинэ Монгол эрдмийн хүрээлэнд зөвлөхөөр ажилладаг. Шинэ Монгол ахлах сургуулийн сурагчидыг MONBUSHO шалгалтанд бэлтгэдэг байсан. Улсын физикийн олимпиадыг зохион байгуулах хорооны гишүүн, УФО-ийн олон удаагийн аварга, энэ жил түүний 8 шавь Япон улсад энэ тэтгэлэгээр сурахаар мордож байна.

Доктрант АБТА Хосбаяр ХУИС д багш. 16 жил багшаар ажиллаж байгаа. Энэ шалгалтанд хүүхэд бэлтгэж байсан туршлагатай. 2 жил Лондонд мэргэжил дээшлүүлсэн.

Төлбөр:

Математик 200000

Физик           160000

Англи хэл   160000

Математик+Физик 330000

Математик+Англи хэл 330000

Математик+ Физик+Англи хэл 470000 төгрөг

Хичээллэх өдөр

Математик 7 хоногт 3 удаа 3 цагаар     Даваа, Лхагва, Баасан гаригт

Физик 7 хоногт 2 удаа 3 цаг+ 4 цаг       Мягмар, Бямба гаригт

Англи хэл 7 хоногт 2 удаа 4 цаг+ 3 цаг Пүрэв, Бямба гаригт

Хичээл ШУТИС-ийн Үйлдвэрлэлийн Технологийн Дээд сургууль   дээр явагдна.

Хаяг: Залуучууд зочид буудлын эсрэг талд, ШУТИС-ийн хичээлийн 4-р байр хойд талын хаалгаар орно.

Бүртэлийг ШУТИС-ийн Үйлдвэрлэлийн Технологийн Дээд сургууль дээр 14 цагаас хойш.

Бүртгүүлэхдээ 1 хувь зураг, төлбөрийг ХААН банкны 5034441178  дансанд тушаасан баримтыг авч ирнэ.

Утас   91112781 99154846 99092781

10 жил уралдлаа бахь байдгаараа л байна, ямар нэг зүйл буруу байгаа юм биш үү?

Манайхан ч уралдаан тэмцээнд үнэхээр дуртай улс юм даа. Долоо хоног бүр л элдэв янзын уралдаан тэмцээн болж байна. Эдгээрийн дотор гайгүй сайн зохион байгуулж байгаа нь ч байна, тааруухан зохион байгуулалттай нь ч байж л байна.

Чухам хэзээнээс ингэж олимпиад моод болсныг сайн мэдэхгүй юм. Лав л намайг 1999 онд МУИС төгсөөд Унгар улсад сурахаар явах үед дүүрэг, хот, улс болон нэрт математикч П.Энхболд агсны нэрэмжит олимпиад, олон улсын хот хоорондын олимпиадаас өөр олимпиад болдоггүй байсан. Тэгэхээр 2000-2003 оны хавьцаа л долоо хоног бүр олимпиад болдог жишиг тогтсон байх. Ингэхээр  бид лавтайяа 10 гаруй жил олимпиадаар амьсгалжээ.

Миний бие 2003 оны хавар Унгараас ирээд намар нь Сант сургуулийн хэсэг сурагчдад олимпиадын бэлтгэл хичээл оров. Тухайн үед дөнгөж шинээр багш болж байсан тул 10 настай жаахан хүүхдүүдэд хичээл орох бас ч гэж эв дүй шаардсан хүндхэн ажил байсан. Эхний ганц хоёр хичээл орлоо. Өгсөн бодлогуудыг гялалзтал бодоод урамтай байна шүү. Гэхдээ удалгүй нилээд хэдэн зүйл дээр эргэлзэж эхэлсэн бөгөөд тэрхүү эргэлзээ маань өнөөдөр энэ нийтлэлийг бичих шалтгаан боллоо.

Тэгэхээр олон зүйл нуршилгүй гол асуудлуудаа бичье.

  1. Бага ангийн сурагчдыг олимпиадад ийм өндөр түвшинд бэлдэх шаардлагатай юу? Үүний ашиг тус болоод хор хөнөөл нь юу вэ?
  2. 7 хоног бүр олимпиад хийсний ашиг тус нь юу вэ?
  3. Энэ бүхний эцэст хүүхэд математикт дур сонирхолтой болох уу?

Миний хувьд эдгээрт дараа, дараагийнхаа нийтлэлээр тодорхой хариулт өгөх болно. Тэр болтол та бүхэн эдгээр асуудлуудыг дор бүрдээ тунгааж үзвэл ямар вэ?

 

Iphone6s уралдааны 2-р сарын дүн

Программын шинэчлэлттэй холбоотойгоор Iphone6s уралдааны 2-р сарын дүнг хойшлуулсанд хүлцэл өчье. Уралдааны дүрэм ёсоор өмнө шалгарсан сурагчдыг оролцуулалгүйгээр сурагчдыг жагсаахад дараах сурагчид эхний 10 байрт шалгарч уралдааны эцсийн шатны шалгаруулалтанд оролцох эрхээ авлаа.

Нэрс 2-р сарын оноо
1 Б. Энхпүрэв 390
2 Last Greed 386
3 Ц. Бямбасүрэн 348
4 Suvd Erdene 344
5 Hulan Tuvshinjargal 326
6 Namuun Namu 322
7 Мөнх Оргил 311
8 Avidmaa Altangerel 290
9 Taivanjargal Taivnaa 288
10 Пикачүү К. 256

Уралдааны өмнөх саруудын дүн:

Iphone6s уралдааны 1-р сарын дүн гарлаа

Уралдааны удирдамж:

Интеграл-Онлайн Уралдааны удирдамж

“ЭЕШ-дээ өөрийгөө бэлдье!” цуврал зөвлөмж

Зөвлөмж 1

Аав ээжүүд маань хүүхдээ тоо бод, шалгалтандаа бэлд гэж хэлдэг. Гэтэл яг ямар сэдвийн бодлого бодохыг хэн ч хэлж өгдөггүй. Хэлж өгөх боломж ч муу юм. Учир нь аав ээжүүд маань хүүгээ, охиноо аль сэдэвт муу болохыг мэдэхгүй. Хүүхдүүд маань өөрийн дуртай, чаддаг сэдвийн бодлогоо л боддог.

 Хамаатны дүүгийнхээ шалгалтанд бэлдсэн талаар бичье.                         Сурагч Бат гэртээ ЭЕШ-дээ бэлддэг. Бат логарифм, тригонометр сэдвийн бодлого бодох дуртай, бас энэ сэдвүүдийг сайн мэддэг. Бат бодлого бодохоороо хамгийн түрүүнд логарифм, тригонометрийн бодлого боддог. Бат интеграл, уламжлал сэдвийг сайн ойлгоогүй.  Тийм болохоор эдгээр сэдвийн бодлогуудыг бодох дургүй. Бат ЭЕШ хүртэл бие даан маш хичээнгүйлэн бэлдэж шалгалтанд оров. Гэвч шалгалтанд сайн амжилт үзүүлж чадсангүй. Учир нь шалгалтанд логарифмын 2 бодлого, тригонометрийн 4 бодлого ирснийг маш хурдан бодов. Харин интеграл, уламжлалын 7 бодлого ирсэн ба дөнгөж 2-ийг нь л бодов.

Үнэндээ Бат шалгалтандаа бэлтгэхдээ аль сэдвийн бодлогуудыг бодохоо мэдэж байсан бол хамаагүй өндөр оноо авах боломжтой байлаа. Батын шалгалтанд бэлтгэсэн их хөдөлмөрийн ихэнхи хувь нь шалгалтын оноог нэмэгдүүлэхэд нөлөөлсөнгүй. Шалгалтанд бэлтгэж логарифм бодоогүй байсан ч логарифмын 2 бодлогоо бодож чадах байлаа.  Тиймээс логарифм тригонометр бодож зарцуулсан цагтаа интеграл, уламжлалаа бодсон  бол үр дүнтэй байх байлаа.

http://www.integral.mn/stats.php хуудсыг ЭЕШ-нд бэлтгэхдээ хэрхэн хэрэглэх талаар зөвлөмж хүргэе.

Статистик цэсийг хэрэглэх

Энэ байдлыг яаж засах вэ? Интеграл онлайн сургалтанд хамрагдсан сурагчдын хувьд энэ алдааг давтахгүй байх боломж байна. Манай сайтын “Статистик” хуудасны баганан диаграммыг хэрхэн ашиглах талаар зөвлөгөө өгье.

Screen Shot 2016-03-05 at 12.57.14

Хэрэглэгчийн хувьд энэ диаграмм харагдана. Ногоон багана бүр тухайн сэдвээр зөв бодож авсан оноог, цагаан багана нь буруу бодож алдсан оноог харуулна. Бид бодлого сонгохдоо ЭЕШ-нд ирдэг давтамжаар бодлогоо сонгон тавьдаг ба шалгалтанд хамгийн их ирдэг бодлого хамгийн олон удаа тавигддаг гэсэн үг. Тиймээс хүүхэд хамгийн өндөр цагаан баганатай сэдвийг хамгийн түрүүнд бэлдэх ёстой. Хэрэв энэ хэрэглэгч илтгэгч ба логарифм сэдвийг 10 цаг бэлдэхэд ЭЕШ-ын оноо 1 оноогоор нэмэгддэг гэж үзвэл анализ сэдвийг 10 цаг бэлдэхэд 1-ээс илүү оноогоор нэмэгдэх юм. Иймд анализ сэдвийг эхлэж бэлдэх шаардлагатай гэсэн үг. Энэ диаграммын дагуу шалгалтандаа бэлдвэл дүн чинь хурдан дээшлэх болно.

 Санамж: Интеграл онлайн сургалтанд дор хаяж 20 хоног орж бодлого бодож мэдээлэл хуримтлагдсаны дараа энэ диаграмм хүүхдийн мэдлэгийг үнэн зөв харуулах болно.

Тестийн программын шинэчлэлтийн талаар

Интеграл Онлайн тестийн хуудас программаа шинэчилж байна.

Шинэчлэлийн хүрээнд дараах зүйлсийг анхааралдаа авна уу.

Багшийн хуудас түр хугацаанд ажиллахгүй. Шаардлагатай тохиолдолд холбоо бариарай!

Өдрийн тестийн PDF хувилбарууд одоогоор татагдах боломжгүй байгаа.

Тестийн программд гарч болзошгүй доголдлоос шалтгаалан ipone6s уралдааны энэ сарын уралдааныг 3-р сарын 10-наас 3-р сарын 31-ны хооронд дүгнэнэ.

Iphone6s уралдааны 2-р сарын дүнг тун удахгүй та бүхэнд хүргэх болно.

Өдрийн тестийг хийж дууссаны дараа дэлгэцийн зүүн доод буланд байрлах “Дүнг илгээх” товчийг дарж илгээгээрэй!

Программын өөрчлөлтийн талаар дэлгэрэнгүй танилцуулгыг та бүхэнд тун удахгүй хүргэх болно.

Та бүхэнд амжилт хүсье!

Iphone6s уралдааны 1-р сарын дүн гарлаа

Интеграл-Онлайн сайтын Iphone6s уралдааны 1-р сарын дүн гарлаа. Эхний шатнаас шалгарч 2016 оны 5-р сард болох эцсийн шалгаруултанд оролцохоор шалгарсан нийт сурагчиддаа Интеграл-Онлайн цахим хуудасны нийт багш нарын өмнөөс халуун баяр хүргэе! Уралдааны дүнг дараах холбоосоор үзнэ үү!
11-р сарын шалгарсан сурагчид
12-р сарын шалгарсан сурагчид
1-р сарын шалгарсан сурагчид
Интеграл-Онлайн Уралдааны удирдамж

Интеграл сургалтын 5 онцлог давуу тал

  1. Тогтвортой үйл ажиллагаа. Бид 2013 оноос эхлэн төрөл бүрийн онлайн сургалтыг зохион байгуулж байгаа бөгөөд сурагчдад аль болох ойлгомжтой, сонирхолтой, хамгийн гол нь үр дүнтэй байх сургалтыг судлан туршиж байна. 2015 оноос эхлэн зарим хувийн болон улсын бүрэн дунд сургуулиудын сурагчдыг гэрээний үндсэн дээр хөнгөлөлттэй нөхцлөөр сургаж байгаа нь цаашид үйл ажиллагаагаа тогтмол тасралтгүй явуулах үндэс болж байгаа юм.
  2. Багшлах боловсон хүчин. Манай онлайн сургалтыг МУИС-д олон жил багшилсан туршлагатай доктор, магистр багш нар удирдан явуулж байна. Мөн зөвлөхөөр Шинэ Монгол бүрэн дунд сургуулийн математикийн багш Д. Алтангэрэл /АБТА/ ажиллаж байна.
  3. Төлбөр хамгийн хямд. Та өөр хаана ч байхгүй хямд үнээр суралцах боломжтой. Өдөр бүр 5 бодлогыг (нийт 1800 гаруй бодлогыг) заавар бодолтын хамт үзэх, бодлогын санд нэвтрэх, онлайн тестүүдтэй ажиллахад бүтэн жилийн турш ердөө л 40.000-60.000 төгрөгийн төлбөр төлнө. Замын зардал гэх мэт нэмэлт зардал байхгүй, зөвхөн интернэтэд холбогдох багахан хэмжээний дата эрх байхад л хангалттай (нэг өдөр тестийн сантай холбогдоод бодлого авахад шаардлагатай дата эрхийн үнэ 20 төгрөг дотор багтаж байгаа).
  4. Олон сурагч хамрагдах боломжтой. Та өөрийгөө бусад сурагчидтай харьцуулж ямархуу түвшинд байгаагаа мэдэх боломжтой. Мөн бидний зүгээс ЭЕШ-д хэдэн оноо авахыг тань аль болох нарийвлалтайгаар урьдчилан тодорхойлж өгөх тул та эртнээс өөрийн элсэх сургуулиа сонгох, шалгалтанд ямар тактикаар орохоо төлөвлөх боломжтой.
  5. Өөрийн хүүхэд болон сурагчдын дүнг тогтмол хянах боломжтой. Бид таны хүүхдийн тестийн дүнг хамгийн ойлгомжтой байдлаар танд мэдээлэх болно.

Сургалтын цахим хаяг: www.integral.mn

Математикийн олимпиадын талаар хэдэн үг

Сонин.мн цахим хуудсанд гарсан ухаангүй, ухаантан нэртэй нийтлэлийг уншаад хэдэн үг бичихээр шийдлээ. Энд энэ нийтлэлийн зөв бурууг шүүх гэсэнгүй зөвхөн өөрийн бодож явдаг бодлоо бичих нь хүмүүст илүү зөв ойлголт хүргэх байх гэсэн үүднээс бичиж байгаа болно.

Миний ажигласанаар хүмүүс дараах хэдэн шалтгаанаар математикийн олимпиадад оролцдог:

  1. Өөрийн авьяас чадварыг нээн илрүүлэх. Мэдээж хүн бүр өөр, өөрийн авьяастай, тэрийгээ нээн илрүүлэх шаардлагатай. Математикт авьяастай байна гэдэг гайхалтай зүйл биш юмаа гэхэд ядаж л муу зүйл биш юм. Аливаа зүйлийг задлан шинжилж, зөв логик дүгнэлт хийнэ гэдэг ухаант хүн бүрийн тодорхой түвшинд эзэмших ёстой чадвар шүү дээ. Мэдээж математик судласанаар таны энэ чадвар тодорхой хэмжээгээр дээшлэх болно. Энд нэг зүйлийг зориуд цохон тэмдэглэхэд математикт авьяастай байна гэдэг дангаараа юуг ч илэрхийлдэггүй бөгөөд тухайн хүн цаашид амжилт гаргахын тулд маш их зүйлийг уншиж судлах, хөдөлмөрлөх ёстой байдаг. Иймээс дан ганц дүүргийн олимпиад төдийд амжилт гаргасны төлөө өөрийгөө ухаантан болчихсон мэтээр төсөөлөх нь математикийн олимпиадад оролцогчдын зүгээс гаргаж болох хамгийн том алдаа гэдэг дээр дээр дурдсан нийтлэлтэй санал нэг байна.
  2. Цаашидын каррьетаа ашиглах. Олимпиадаар тодорхой амжилт гаргах нь цаашид их дээд сургуульд элсэн ороход багахан зэргийн давуу тал олгодог. Олимпиадад өндөр амжилт гаргасан сурагчдыг гадаад, дотоодын их дээд сургуулиуд элсүүлэх сонирхол өндөр байдаг тул ямар нэг байдлаар тэтгэлэг олдох магадлал өсдөг. Гэхдээ дан ганц олимпиадын амжилт энд ямар ч баталгаа болж чадахгүй гэдгийг анхаарах хэрэгтэй. Олимпиадын амжилтаас илүүтэйгээр гадаад хэлний шалгалтын дүн болон SAT, GRE гэх мэтийн үндсэн шалгалтын оноо өндөр байх нь чухал гэдгийг анхаарах хэрэгтэй. Магадгүй та гадаадад сурахыг хүсэж байгаа бол олимпиадын бэлтгэлд цаг зарахаас илүү гадаад хэл болон бусад элсэлтийн шалгалтанд бэлдэхэд цагаа зарцуулах нь илүү ухаалаг шийдвэр ч байж болох юм.  Математикийн олимпиадад амжилт гаргахад тодорхой хэмжээний золиос  төлдөг гэдгийг санаарай!
  3. Хобби. Мэдээж энд ямар нэг тайлбар хэрэггүй байхаа. Хүнийг дуртай зүйлээ хийхэд юу ч  саад болж чадахгүй. Гэхдээ нэг зүйлийг сануулж хэлэхэд олимпиадын математик нь онолын математикийн судалгаанаас ихээхэн өөр гэдгийг анхаарна уу. Тэр байтугай онолын математикаар цаашид суралцах бол олимпиадад цаг зав зарцуулах шаардлагагүй гэсэн үзэл бодолтой математикчид ч байдаг. Та үнэхээр математикт авьяастай гэдгээ мэдсэн, цаашид математикч болохыг хүсэж байгаа бол шилдэг математикчдын ишлэлийг зав гарган заавал уншиж үзээрэй!

ММО-31-ийн (1995 оны) 10-р ангийн улсын аварга, ММОЗБХ-ны гишүүн Б. Батбаясгалан

Интеграл-Онлайн Уралдааны удирдамж

Уралдааны зорилго www.integral.mn бодлогын сангийн хэрэглэгчдийн ЭЕШ-д бэлтгэх үйл ажиллагааг идэвхижүүлэхэд оршино.
Уралдаанд оролцогч нь Интеграл-Онлайн цахим хуудасны 2015-2016 оны хичээлийн жилийн 1 сараас дээш хугацаатай эрх бүхий ЕБС-ийн ахлах ангийн сурагч байна.

Уралдааны үргэлжлэх хугацаа

Уралдаан 2015 оны 11 дүгээр сарын 1-ээс 2016 оны 5 дугаар сарын эхний долоо хоног хүртэл үргэлжилнэ.

Уралдааны үе шатууд

Бэлтгэл даваа. Манай цахим хуудсанд тавигдах 5 бодлого бүхий бичил сорилгуудыг гүйцэтгэж оролцох бөгөөд сар бүрийн эцэст хамгийн өндөр оноо авсан 10 сурагч үндсэн даваанд шалгарна. Хэрвээ тухайн сард өмнө нь эрх авсан сурагч эхний 10 байранд орвол эрхийг давхардуулж олгохгүйгээр дараагийн сурагчид шилжүүлнэ. Дээрх сурагчдаас гадна 4-р сарын 30 хүртэлх хугацаанд хамгийн өндөр оноо авсан нийт 20 сурагчийг шалгаруулж үндсэн даваанд оролцох эрхээр шагнана.

Уралдааны үндсэн даваа. Бэлтгэл даваанаас шалгарсан сурагчдын дунд 5-р сарын эхээр зохион байгуулна. ЭЕШ-ийн жишгээр бэлтгэсэн бичгийн шалгалт авч хамгийн өндөр оноо авсан 1 сурагчийг iphone 6s ухаалаг утсаар, эхний 10 байрт орсон сурагчдийг мөнгөн шагналаар тус тус шагнана.

Шалгаруулалтыг дараах дүрмээр явуулна.

  1. Үндсэн давааны оноо
  2. Жилийн турш цуглуулсан оноо /үндсэн давааны оноо тэнцсэн тохиолдолд/
  3. Хамгийн олон өдөр оноо авсан /дээрх 2 шалгуураар оноо тэнцсэн тохиолдолд/
  4. Сайтад бүртгүүлсэн хугацаагаар /өмнөх 3 шалгуураар оноо тэнцсэн тохиолдолд/
  5. Үндсэн даваанд оролцох нийт сурагчдын жилийн турш цуглуулсан оноо болон, нийт хэдэн өдөр оноо авсаныг үндсэн даваа эхлэхээс өмнө нийтэд мэдээлнэ.

Оноогоо цуглуулаад сугалаагаа хожоорой!
Нийт сурагчдын дунд жилийн турш авсан 100 оноо тутамд 1 сугалаа олгож 2016 оны 7-р сарын 1-нд iphone 6s утасны сугалааг зохион байгуулна.

800 онооны шагнал
Мөн жилийн турш ЭЕШ-дээ амжилттай бэлтгэж 100 хувийн гүйцэтгэлээр 800 оноо авсан сурагчиддаа зориулж нийт 800 мянган төгрөгийн шагналын санг бүрдүүлж болзол хангасан сурагчиддаа хувь тэнцүүлэн олгоно.

Жич: Шалгаруулалттай холбоотой аливаа асуудлыг дээрх дүрмийн дагуу шийдвэрлэх бөгөөд гаргасан шийдвэр эцсийнх байна.